Sosial şəbəkələrdə səvab qazanmağın yolları

2 05 2016

 

Dinimiz amin inşAllAh.

Bildiyiniz kimi her insanın sağ və sol çiynində yazıçı mələklər oturur. Onlar bizim elədiyimiz bütün yaxşı və pis əməlləri qeyd eləyirlər. Quranda da onlar haqqında yazılıb:

10 Həqiqətən, sizin üstünüzdə nəzarətçilər vardır –
11 çox möhtərəm, (əməllərinizi) yazanlar.
12 Onlar sizin nə etdiklərinizi bilirlər.

İnfitar 82

Xatırla ki, (insanın) sağında və solunda (onun bütün əməllərini) təsbit edən (qeydə alan) iki mələk oturmuşdur!
Qaf 17

Təmsili olaraq aşağıdakı şəkildə onları görə bilərsiniz:

2016-05-02 23_36_26- Paint

Müasir dövrdə sosial şəbəkələrin də inkişafı ilə bərabər bu mələklərin işi azalıb. Çünki artıq çox şey Facebook tipli sosial şəbəkələrdə saxlanılır, mələklərin yazmağına ehtiyac qalmır. Lazım olanda timeline`ı açıb baxmaq olur.

Bu yazımda sizə sosial şəbəkələrdə səvab qazanmağın əsas yollarını öyrədəcəyəm.
Bir çox istifadəçilər artıq bu metodlardan yararlanır. Elə bilavasitə nümunələr ilə başlayaq:
En çox istifadə olunan səvab gətirən söz, təbii ki İnşallah. Hər yerdə işlətmək olar, əlaqəsiz də olsa. Məsələn:
– Nə var nə yox?
– Yaxşıyam inşAllah.

Bu Random İnşallah olduğu üçün balı azdır. Təxminən 5 səvab bal gətirir.

Standart İnşallah:

2016-05-02 23_37_55-kiram.png - Paint

Bunlarda çox əziyyət çəkilmir deyə standart olaraq 10 xal səvab gətirir. Rus dillilər adətən w ilə ingilis dillilər sh ilə yazırlar. Əlavə dil biliklərinə görə ola bilsin ekstra 1-2 xal gəlsin.

Caps A İnşallah:

2016-05-02 23_37_41-kiram.png - Paint2016-05-02 23_38_21-kiram.png - Paint2016-05-02 23_37_02-kiram.png - Paint

Burda Allaha ayrı hörmət var deyə (böyük kiçik söbəti) əlavə 5 xaldır. 15 səvab point cəmisi.

Advanced İnşallah:

Bunu hər adam edə bilmir. Amma tutanda zor xal gətirir (baxır combo`ya). Məsələn İn da club versiyası:

2016-05-02 23_38_04-kiram.png - Paint

Qışqırmaq bonusu:

Bunu hər hansı bir səvab xal gətirən sözdə işlədib bonus xal əldə eləmək olar:

2016-05-02 23_38_39-kiram.png - Paint2016-05-02 23_38_50-kiram.png - Paint

Başqa xırda nüanslar da var:

2016-05-02 23_37_23-kiram.png - Paint2016-05-02 23_38_30-kiram.png - Paint

Bol səvablı hüsn-ü kitablar arzulayıram, in Wəa ALLaH.





Super sürə, Əhzab 51, oxuyaq suvab qazanaq

6 04 2015

Quran.az saytından iki tərcümədə:

Bünyadov:

(Ya Rəsulum!) Onlardan (zövcələrindən) istədiyini (istədiyinin səninlə gecələmək növbəsini) təxirə salar, istədiyini də (gecəni onunla keçirmək üçün) öz yanına ala bilərsən. (Bir müddət özündən) ayırdığın (növbəsini təxirə saldığın, yaxud rici talaqla boşadığın) övrətlərindən də istədiyini (yenidən) öz yanına qaytarmaqdan sənə heç bir günah gəlməz. Onların gözlərinin aydın olması (sevinmələri), kədərlənməmələri və sənin onlara verdiklərindən razı qalmaları üçün ən münasib olanı budur. Allah qəlblərinizdə olanları (kimin daha çox kimə meyl etdiyini) bilir. Allah (hər şeyi) biləndir, həlimdir! (Bəndələrinə cəza verməkdə tələsməz!)

Musayev:

Onlardan istədiyinin (səninlə gecələmək) növbəsini təxirə sala bilərsən, istədiyini də öz yanına ala bilərsən. Özün­­dən ayırdıqlarından hansı birini (yenidən öz yanına almaq) istəsən sənə heç bir günah olmaz. Bu, onların sevinmələri, kədərlənməmələri və sənin onlara verdiklərindən razı qalmaları üçün daha münasibdir. Allah qəlbinizdə olanları bilir. Allah Biləndir, Həlimdir.

Allahın son kəlamı olan Quran, hansı ki bütün insanlara Allahı tapmaq üçün, düz yolu tapmaq üçün, yaxşı insan olmaq üçün 1400 il bundan qabaq göndərilib. İnsanlar deməli bu kitabı açıb bu sürədə Məhəmmədin arvadlarıyla yatmaq növbəsi haqqında oxuyub doğru yola gələcək. Vacib olan budur ey camaat, ey insanlıq. Dünyanı, insanlığı Məhəmmədin arvadlarıyla istədiyi növbədə yatması xilas eləyəcək! Allah nə yaxşı ki bu kəlamı bizə göndərib. Görün necə hikmətli sözlər var! Ürəyinizlə oxuyun, qəlbinizə Allah nur salacaq. Görün Məhəmməd nə gözəl insandır ki, Allah onun üçün xüsusi bir kəlam endirib, arvadları gecələmə növbəsindən narazı qalıblar deyə, Məhəmmədə istədiyi sırada istədiyi arvadıyla olmaq imkanı verib.

Bu bir möcüzə deyil də bəs nədir? Bu sürədən bixəbər yaşayan kafirlər, buddistlər, xristianlar, ateistlər çox şey itirirlər. Məhəmmədin gecə növbəsini heç kim poza bilməz!!!





Commentler

19 01 2013

Bildiyiniz kimi uzun zamandır Blog-a yazı yazmağı dayandırmışam. Stephen King-in bir əsərində dediyi kimi “The world has moved on”, mən də artıq həyatımda baş verən dəyişikliklərə görə blog-a diqqəti azaltdım. Amma həmişə yazılan comment-ləri təsdiq etmişəm. Təbii ki əxlaq normları çərçivəsində olanları. Bəzi adamların İslami saytlardan copy-paste etdiyi 4 paraqraflıq elaqəsiz yazıları təsdiq etməmişəm. Comment fikir bildirmək üçündür, uzun uzun yazıları copy paste etmək üçün deyil.

Nə isə, gələk təsdiq olunmamış comment-lərə. Bəzi müsəlmanlar, çox anlayışlı, başqa dinlərə, fikirlərə hörmətlə yanaşdıqları üçün öz ürək sözlərini çatdırıblar. Onlara nəzər yetirək:

ay nankor ateistler sizin heyatinizi axtarsalar hec evde duzgun emelli valideynlerinizin sozune baxmirsiz . siz ozunuze bir baxin sizin kimiler deyeriniz nediki tek yaratici olan yaradana dil uzatmaq ne demekdi bu ne heyasizliqdi qebul elemirsen ay nankor insanlar eleme sizi mecbur eleyen var siz gedin terbiyenizi exlaqinizi duzeldin .

si*im agzivi ateist dal*ayob

din exlaq demekdir.. sozum odu ki, dunya ateist olsa o zaman heç kim heç neden qorxmayacaq … kimisi senin anavi bacivi sen de kiminse anasin bacisin si*essen … soyuşe gore uzr isteyirem … bunu fikirleşin .. men dini exlaq terefden ustun tuturam

allahin qulu, eee sen ne qanmaz adamsan eee ay bala agil mucerrad isimdi
hec bilirsen mucerrad isimler neye deyilir??mucerrad isimler bunlardi:agil,arzu,yaxsiliq,insanliq,agri ve s.Demek isteyirsen allah da mucerraddi???

ANAN SENI HEYVAN DOGUB. HARDAN BILIRSEN HEYAT NEDIR DIN NEDIR. ISINIZ GUCUNUZ YOXDUR ONA GORE AVARA QALIB BELE ISLERLE MESGULSUNUZ. lenet olsun size

Təsdiq elədiyim bir çox comment-də də belə fikirlər var. Lənət olsun, cəhənnəmdə yanın, elesen belesen…Men başa düşmürəm, İslam-a görə Allah məni cəzalandıracaq, cəhənnəmə göndərəcək. Yaxşı bunu bilirsinizsə nəyə görə hiddətlənib lənət oxuyursuz? Nəyə görə mən cəhənnəmə gedəcəyəm deyə sevinib oppanib düşürsüz? Nəyə görə fərqli fikrə nifrət bəsləyirsiniz? Onsuz da Allah mənim cəzamı verəcək də, sənə nə olub əl-ayağa düşmüsən? Mən burda 5-6 comment-ə görə bütün müsəlmanları tənqid eləmirəm, bir çox müsəlman dostum var ki, bunlardan fərqli olaraq dinləməyi, fikrə hörmət eləməyi bilir, nifrət qusmur. Amma təəssüflər olsun ki hər dində olduğu kimi İslam-da da bir çox fanatiklər var, hansılarda ki beyin orqanı işləmir.

 





Qatıq arqumentlər

20 07 2010

Bir çox teistin gətirdiyi qısa primitv arqumentlərdir. Bunları yəqin çoxunuz eşitmisiniz.

1.5 milyard müsəlman səhv bilir, bir sən düz bilirsən?

Yaxşı bəs çinlilər də səhv bilir? Çoxluq heç nəyi ifadə eləmir. Əsrlər əvvəl bütün dünya əhalisi yer kürəsinin düz olduğuna inanırdı.

Qolumdakı saatı görürsən? Səncə bunu kim düzəldib? Saatsaz təbii ki. İndi insan orqanizminə bax. Belə bir sistemin deməli saatsazı, dizayneri var, o da Allahdır.

Qolundakı saatdan xəbərimiz var, onun düzəldilmə prosesini görmüşük ya da oxumuşuq. Saatsazı da ya görmüşük və ya haqqında dəqiq empirik məlumata sahibik. Bunların heç biri Allaha aid deyil. Allah haqqında, insanı necə düzəltməyi, bu prosesin detalları haqqında heç bir empirik məlumatımız yoxdur. Bundan əlavə, lap dizaynerə ehtiyac duysaq da, nəyə görə həmən dizayner sırf Allahdır? Mən deyirəm ki Allah yox Zərdüştdür, vəya Uçan Spagetti Monstrudur.

İnsanın əmələ gəlmə, inkişaf prosesini elm, təkamül çox gözəl şəkildə izah eləyir. Ona görə də bu analogiyadan yola çıxaraq hər hansı bir tanrı əldə etməyə ehtiyac yoxdur.

Ağlın görünmür, amma bilirik ki ağıl var. Allahı görməsək də Allah var.

Ağlı görməsək də onun təzahürlərini, effektlərini görürük. Empirik olaraq müşahidə apara bilirik. Necə ki küləyi tam olaraq görmürük, amma hiss eləyirik. Allah isə bu empirik müşahidələrə tabe deyil. Allahı heç cür obyektiv olaraq ölçə bilmərik.

Bax o göydəki təyyarəni görürsən? Onun pilotu var, elə deyilmi? Sən pilotu görməsən də bilirsən ki o idarə eləyir təyyarəni. Allah da həmçinin görməsən də o bu kainatı, insanları idarə eləyir.

Əvvəlki iki sualların cavabları buna da uyğundur. Bizim pilotla bilavasitə vəya dolayı yoldan əlaqəmiz var, uçuş prosesindən xəbərimiz var. Ona görə də beynimiz təyyarəni görəndə avtomatik olaraq təyyarəni pilotla əlaqələndirir. Pilot və idarə etmə prosesi müşahidə edilib, ölçülüb isbat olunub. Hansı ki Allah və kainatın idarə edilməsi haqqında deyə bilmərik. Yenə də ən son halda həmən pilotun Allah yox Uçan Spagetti Monstr olduğuna, insanları cənnət və ya cəhənnəmə göndərməyən biri olduğuna inana bilərik.





Oxuyucuların suallarına cavab

20 07 2010

Saleh bəzi suallar verib. Gəlin bunlara baxaq:

Duyğu Natural Selection-la necə otaya çıxıb?

Duyğuyla tam olaraq nə demək istəmisən başa düşmədim. Amma hər cür duyğunu nəzərə ala bilərik, yenə də dəyişən heç nə yoxdu. Görmək, dad bilmək və s. kimi duyğular yaşamağa – sağ qalmağa kömək edir. Duyğu-hisslər də həmçinin, heyvanların da hissləri, duyğuları var, onlar da qorxurlar, öz balaları üçün özlərini fəda edirlər və s. Bunlar hamısı canlının sağ qalmasında kömək edir. Sevinc, qorxu və başqa hisslər bədəndə necə baş verir elmə məlumdu, çoxsu beyin və hormonlarla əlaqəlidir. İnternetdə bir az araşdırıb bunlarla bağlı çoxlu material tapmaq olar. Tam olaraq proses necə olur hələkilik deyə bilməyəcəyəm çünkü bu haqda tam informasiyam yoxdur. Amma heyvanlardakı duyğulara baxaraq bu duyğuların necə onlara soylarını davam etdirmək imkanı verdiyini görə bilərik. Duyğular bilavasitə beynin inkişafı ilə əlaqədardır, sadə canlılarda sadə duyğuları görürük, insan və digər məməlilərdə isə daha kompleks duyğuları görürük. Yenə də qeyd edim ki biyoloq olmadığım üçün ətraflı məlumat verə bilməyəcəyəm. Bu mövzuda (duyğu və instinktlər) maraqlı məqalə və ya informasiyaya rast gəlsəm burda qoyacağam.

Ama biraz da Piltdown,Java man, Jucy man haqqında da danışın.

Danışım da, Piltdown adamı geydirmə bir fosil idi, 19cu əsrin axırı biri düzəltmişdi. Axırı elə Təkamül alimləri bunun geydirmə olduğunu demişdilər.

Java man haqqında internetdə məlumat var.

Jucy man bilmirəm nəyə deyirsən, amma yəqin Lucy`ni nəzərdə tutmusan. Lucy qız olub. Nəyisə soruşmamışdan əvvəl heç olmasa ümumi məlumat əldə etmək, adını heç olmasa bilmək pis olmaz. Lucy`nin 40% sümükləri yerindədir. Əlavə məlumat yenə də netdə…

İnsanın niyə görə Tabii kürkü yoxdu?. Bədənimiz niyə görə meymun kimi tüklü deyil?

İnsanın tükləri var bədənində, başında. Millətlərin fərqli dərəcədə tüklü olması da ele Təkamülü göstərir. Yoxsa necə olur ki 2 nəfərdən – Adəm və Həvvadan 10-15 cür fərqli tüklü insan əmələ gəlir.

İlkin insanlar onsuz da tüklü olub, meymun kimi. Sonradan insanlar inkişaf etdikcə, özlərini soyuqdan qoruya bildikləri üçün tükə ehtiyac olmayıb, tüklü olanla tüklü olmayan arasında sağ qalmaq üstünlüyü olmayıb. Başqa faktor da ilkin insanlar ekvator ərazisində istidə ovla məşğul olarkən tərləməyə ehtiyac duyublar, ona görə də tükləri tökülüb. Ona görə də insanlar meymunlar kimi tüklü olmayıb. Bu linkdə http://en.wikipedia.org/wiki/Hair daha çox məlumat var.
Əlavə olaraq onu deyə bilərəm ki indiki insanın bədənindəki tüklər elə Təkamülün dəlilidir. Bədəndəki tüklərin insana heç bir xeyri yoxdur. Əgər tanrı yaradıbsa belə mükəmməl bir varlıq şəklində, nə ehtiyac var idi bədəni tüklə doldurmağa. (Qaşlar-kirpikləri çıxmaqla)





II Ramzes möcüzəsi

20 07 2010

Bir oxuyucunun sualı ilə başlayaq:

Salam qardash. Yaxshi 1 suala da cavab versen yaxshi olar. Nece olur ki, fironun curumemish bedeni haqda Quranda qeyd olunub???

Oxuyucunun da qeyd etdiyi kimi Yunus 92-yə baxaq:

Səndən sonrakılara bir ibrət olsun deyə, bu gün səni xilas edəcəyik (sənin cansız bədənini sahilə atacağıq). Həqiqətən, insanların çoxusu ayələrimizdən qafildir!

İslam saytlarında tapılan mumyanın Britaniya muzeyindən olan fotolarını görə bilərsiniz:

İslam möcüzəsevərlərinə əsasən bu 2-ci Ramzesin Allah tərəfindən cəzalandırılmış cəsədidir. Süveyş kanalı açılırkən dənizin qırağında bir təpənin üstündə tapılıb. Bura qədər hər şey zordu🙂 . İndi keçək faktlara:

  1. II Ramzes digər faraonlar kimi Krallar Vadisində bastırılıb, hansı ki indiki Luxor şəhəri yaxınlığında, dənizdən 700 km uzaqda yerləşir. Mumiyası da elə həmin yerdə tapılıb. Halhazırda 2-ci Ramzesin mumyası Qahirədə muzeydədir. Səcdə zad formasında da deyil, normal uzanmış haldadır. Bununla görürük ki möcüzəpərəstlərin iddia etdiyi mumya 2-ci Ramzes deyil.
  2. Yaxşı bəs bu mumiya kimdir? Bu da linklər:
    http://en.wikipedia.org/wiki/Gebelein_predynastic_mummies
    http://www.britishmuseum.org/explore/highlights/highlight_objects/aes/p/predynastic_egyptian_man.aspx

    Şəkildəki mumiya haqqında:

a) Bu mumiya Dinastiyadan əvvəlki perioda aiddir – miladdan öncə 3100 ilinə qədər olan dövrə. 2-ci Ramzes isə miladdan əvvəl 1279-1213 illərdə hökmdarlıq edib. Arada ən az 2 min il fərq var.

In such a burial, when the body is covered in warm sand, the environmental conditions mean that most of the water in the body is quickly evaporated or drained away, meaning that the corpse is naturally dried and preserved. This method was widely used in the pre-dynastic Egyptian period, before artificial mummification was developed.

Yəni bu (mumyalama) metodunda isti qum bədənin üstünə tökülür və bədən təbii olaraq tez quruyur və yaxşı qalır. Belə metodla mumyalanmış bir çox bədənlər aşkar edilib, eynilə belə formada (fetal pozisiyasında). Ramzes vaxtı artıq daha effektiv suni mumyalama mövcud idi. Daha dərinə gedib Faraonların qəbrlərinin xüsusiyyətlərindən danışmaq olar, hansı ki bu şəkildəki adi adamın qəbrindən tamam fərqlidir. Amma məncə ehtiyac yoxdur, istəyən araşdırar, onsuz da National Geographics, Discovery bütün günü Faraonlardan sənədli filmlər verir. Xülasə…

Britaniya muzeyində saxlanılan EA 32751 kodlu mumiya sadəcə sıradan bir Misir adamıdır (Predynastic Egyptian Man), nə faraondur, nə də ki Ramzesdir…Qurandakı hekayə ilə heç bir əlaqəsi yoxdur.





Göyün Yeddi Qatı

24 05 2010

Elmdə atmosferin qatları haqqında yazılanlara baxaq. Əvvəla atmosferin bir neçə xüsusiyyətə görə qatlara ayırmaq olar. Əsasən temperatura görə təyin edilən bu qatlar çox yerdə 5 qat kimi görsənir. Bu linklərə baxa bilərsiz; Wikipedia, national oceanic and atmospheric administration, nasa. NASA’nın saytında isə 4 dənə qat göstərilir (Exosphere göstərilməyib). Bu qatlar:

Troposhpere

Stratosphere

Mesosphere

Thermosphere

Exosphere

Bu qatlar birbirləri arasında xətt şəklində sərhədlərlə ayrılmayıb təbii ki. Bunları sadəcə alimlər bəzi xüsusiyyətlərə görə ayırıb. Bir təbəqədən digərinə keçiddə ortaq bir bölgə yarandığı üçün bunlara da tropopause, stratopause, mesopause adları verilib.

Başqa xarakteristikaları nəzərə alanda digər qatları da ayırmaq olar:

Ozon qatı

İonosfer

Homosfer/Heterosfer

Keçək İslam dininin mövqeyinə. Əlbəttə ki ordan burdan eşitdikləri geydirmə informasiya ilə qidalanan bir çoxları göyün 7 qatının olmasını və bunun Quranda möcüzəli bir şəkildə verilməsinə inanır. Yuxarıda artıq göyün 7 qatının olmamasını açıqladıq. İndi baxaq görək Quran nə deyir bu haqda. İlk başda Quranda 7 qat haqqındakı ayələr:

65:12. Yeddi göyü və yerdən də bir o qədərini yaradan Allahdır. Vəhy onların arasında ona görə nazil olur ki, Allahın hər şeyə qadir olduğunu və Allahın hər şeyi elmi ilə əhatə etdiyini biləsiniz.

67:3. Yeddi göyü təbəqələr şəklində quran Odur. Sən Mərhəmətli (Allahın) yaratdığında qətiyyən bir uyuşmazlıq tapmazsan. Bir başını qaldırıb (göyə )diqqət yetir, heç onda bir çat görürsənmi?

Ozon təbəqəsindəki bəs nədir, çat deyil?

78:12. Üstünüzdə yeddi möhkəm (göy) qurduq

Baxaq bu yeddi göy əslində nə imiş.

41:12. Allah onları (səmaları) yeddi (qat) göy olaraq iki gündə əmələ gətirdi. (Beləliklə, iki gün ərzində yer, sonra iki gün ərzində yer üzündə olanlar, daha sonra iki gün ərzində göylər xəlq edildi. Kainatın yaradılması altı gün ərzində başa çatdı). O, hər bir göyün işini özünə vəhy edib bildirdi. Biz aşağı göyü (dünya səmasını) qəndillərlə (ulduzlarla) bəzədik və (onu şeytanlardan, hər cür bəladan) hifz etdik.

Əgər Qurandakı 7 göy indi elmə məlum olan 5 təbəqə ilə əlaqəlidirsə, nəyə görə aşağı qatda (termosfer) ulduzlar olduğu yazılıb? Ulduzlar bizim atmosferdən də kənardadır.

67:5. Biz (sizə) yaxın olan göyü ulduzlarla bəzədik və onları şeytanlara atılan (alovlar) etdik. Biz onlar üçün yandırıb-yaxan od əzabı hazırlamışıq.

Yenə eyni fikir. Bizə yaxın olan göydə ulduzlar nə gəzir???

Quranda ümumiyyətlə çox şey 7 qat şəklində göstərilib. Hətta yuxarıdaki ayədə ` Yeddi göyü və yerdən də bir o qədərini` yerin də 7 qatının olması yazılıb. Halbuki yer kürəsinin 4 qatı var, bu qatları da öz aralarında təbəqələrə ayırmaq olar. Baxaq görək başqa nələrdə 7 rəqəmi tətbiq olunub:

2:261. Mallarını Allah yolunda sərf edənlərin halı yeddi sünbül verən bir toxuma bənzər ki…

12:43. “Mən (yuxuda) yeddi arıq inəyin yeddi kök inəyi yediyini, həmçinin yeddi yaşıl və yeddi quru sünbül (quru sünbüllərin yaşıl sünbüllərin üstünə qalxıb bellərinə sarıldığını) gördüm.

12:46. (Cavan oğlan padşahın izniylə zindana gəlib dedi: ) “Yusif! Ey doğru danışan adam, bizim üçün bir yoz görək! yeddi arıq inək yeddi kök inəyi yeyir. yeddi yaşıl sünbül, yeddi də quru sünbül.

12:47. (Yusif) belə cavab verdi: “yeddi il adətiniz üzrə (həmişəki kimi) əkin.

12:48. Sonra bunun ardınca yeddi il quraqlıq (qıtlıq) olacaq.

15:44. (Cəhənnəmin) yeddi qapısı (təbəqəsi) var.

16:112. Allah da həmin şəhərə (sakinlərinin) etdikləri əməllərə görə (yeddi il) aclıq və qorxu bəlası daddırdı.

20:6. Göylərdə və yerdə, onların arasında və torpağın altında (yeddi qat yerdə) nə varsa (hamısı) Onundur.

23:75. (Məkkəyə yeddi il ərzində aclıq, qıtlıq üz vermişdi.

28:24. (Musa yeddi gün idi ki, çöldəki otlardan başqa yeməyə bir şey tapmırdı. Buna görə də Allahdan yemək üçün bir ruzi dilədi).

31:27. Əgər yer üzündəki bütün ağaclar qələm, dərya da arxasından yeddi dərya qatılaraq (mürəkkəb) olsaydı,

69:7. Allah o küləyi yeddi gecə, səkkiz gün ardı-arası kəsilmədən onların üstünə əsdirdi.

72:16. (Sonra mənə belə vəhy olundu: ) Əgər onlar (Məkkə müşrikləri) o yolda (islam dinində) doğru olsaydılar, Biz onlara (yeddi il davam edən quraqlıq və qıtlıq əsnasında) bol yağış verərdik ki

Nəticə:

  • Qurandaki göy-atmosfer haqqındaki 7 qat elmə məlum olan qatlarla uyğun gəlmir. Həm bölgü olaraq, həm də o qatların tərkibi olaraq (Quranda yerə ən yaxın qatda ulduzlar var)
  • 7 qat Quranda bir çox şey üçün də istifadə olunub. Yer 7 qat, cəhənnəm 7 qat və s.
  • Digər dinlərdə də 7 rəqəmi qabağa çıxır, bu rəqəmə xüsusi mənalar yüklənilir.

Əlavə məlumat: başqa türk blogu