1.5 milyard müsəlman səhv bilir, bir sən düz bilirsən?

Yaxşı bəs çinlilər də səhv bilir? Çoxluq heç nəyi ifadə eləmir. Əsrlər əvvəl bütün dünya əhalisi yer kürəsinin düz olduğuna inanırdı.

Qolumdakı saatı görürsən? Səncə bunu kim düzəldib? Saatsaz təbii ki. İndi insan orqanizminə bax. Belə bir sistemin deməli saatsazı, dizayneri var, o da Allahdır.

Qolundakı saatdan xəbərimiz var, onun düzəldilmə prosesini görmüşük ya da oxumuşuq. Saatsazı da ya görmüşük və ya haqqında dəqiq empirik məlumata sahibik. Bunların heç biri Allaha aid deyil. Allah haqqında, insanı necə düzəltməyi, bu prosesin detalları haqqında heç bir empirik məlumatımız yoxdur. Bundan əlavə, lap dizaynerə ehtiyac duysaq da, nəyə görə həmən dizayner sırf Allahdır? Mən deyirəm ki Allah yox Zərdüştdür, vəya Uçan Spagetti Monstrudur.

İnsanın əmələ gəlmə, inkişaf prosesini elm, təkamül çox gözəl şəkildə izah eləyir. Ona görə də bu analogiyadan yola çıxaraq hər hansı bir tanrı əldə etməyə ehtiyac yoxdur.

Ağlın görünmür, amma bilirik ki ağıl var. Allahı görməsək də Allah var.

Ağlı görməsək də onun təzahürlərini, effektlərini görürük. Empirik olaraq müşahidə apara bilirik. Necə ki küləyi tam olaraq görmürük, amma hiss eləyirik. Allah isə bu empirik müşahidələrə tabe deyil. Allahı heç cür obyektiv olaraq ölçə bilmərik.

Bax o göydəki təyyarəni görürsən? Onun pilotu var, elə deyilmi? Sən pilotu görməsən də bilirsən ki o idarə eləyir təyyarəni. Allah da həmçinin görməsən də o bu kainatı, insanları idarə eləyir.

Əvvəlki iki sualların cavabları buna da uyğundur. Bizim pilotla bilavasitə vəya dolayı yoldan əlaqəmiz var, uçuş prosesindən xəbərimiz var. Ona görə də beynimiz təyyarəni görəndə avtomatik olaraq təyyarəni pilotla əlaqələndirir. Pilot və idarə etmə prosesi müşahidə edilib, ölçülüb isbat olunub. Hansı ki Allah və kainatın idarə edilməsi haqqında deyə bilmərik. Yenə də ən son halda həmən pilotun Allah yox Uçan Spagetti Monstr olduğuna, insanları cənnət və ya cəhənnəmə göndərməyən biri olduğuna inana bilərik.

Duyğu Natural Selection-la necə otaya çıxıb?

Duyğuyla tam olaraq nə demək istəmisən başa düşmədim. Amma hər cür duyğunu nəzərə ala bilərik, yenə də dəyişən heç nə yoxdu. Görmək, dad bilmək və s. kimi duyğular yaşamağa – sağ qalmağa kömək edir. Duyğu-hisslər də həmçinin, heyvanların da hissləri, duyğuları var, onlar da qorxurlar, öz balaları üçün özlərini fəda edirlər və s. Bunlar hamısı canlının sağ qalmasında kömək edir. Sevinc, qorxu və başqa hisslər bədəndə necə baş verir elmə məlumdu, çoxsu beyin və hormonlarla əlaqəlidir. İnternetdə bir az araşdırıb bunlarla bağlı çoxlu material tapmaq olar. Tam olaraq proses necə olur hələkilik deyə bilməyəcəyəm çünkü bu haqda tam informasiyam yoxdur. Amma heyvanlardakı duyğulara baxaraq bu duyğuların necə onlara soylarını davam etdirmək imkanı verdiyini görə bilərik. Duyğular bilavasitə beynin inkişafı ilə əlaqədardır, sadə canlılarda sadə duyğuları görürük, insan və digər məməlilərdə isə daha kompleks duyğuları görürük. Yenə də qeyd edim ki biyoloq olmadığım üçün ətraflı məlumat verə bilməyəcəyəm. Bu mövzuda (duyğu və instinktlər) maraqlı məqalə və ya informasiyaya rast gəlsəm burda qoyacağam.

Ama biraz da Piltdown,Java man, Jucy man haqqında da danışın.

Danışım da, Piltdown adamı geydirmə bir fosil idi, 19cu əsrin axırı biri düzəltmişdi. Axırı elə Təkamül alimləri bunun geydirmə olduğunu demişdilər.

Java man haqqında internetdə məlumat var.

Jucy man bilmirəm nəyə deyirsən, amma yəqin Lucy`ni nəzərdə tutmusan. Lucy qız olub. Nəyisə soruşmamışdan əvvəl heç olmasa ümumi məlumat əldə etmək, adını heç olmasa bilmək pis olmaz. Lucy`nin 40% sümükləri yerindədir. Əlavə məlumat yenə də netdə…

İnsanın niyə görə Tabii kürkü yoxdu?. Bədənimiz niyə görə meymun kimi tüklü deyil?

İnsanın tükləri var bədənində, başında. Millətlərin fərqli dərəcədə tüklü olması da ele Təkamülü göstərir. Yoxsa necə olur ki 2 nəfərdən – Adəm və Həvvadan 10-15 cür fərqli tüklü insan əmələ gəlir.

İlkin insanlar onsuz da tüklü olub, meymun kimi. Sonradan insanlar inkişaf etdikcə, özlərini soyuqdan qoruya bildikləri üçün tükə ehtiyac olmayıb, tüklü olanla tüklü olmayan arasında sağ qalmaq üstünlüyü olmayıb. Başqa faktor da ilkin insanlar ekvator ərazisində istidə ovla məşğul olarkən tərləməyə ehtiyac duyublar, ona görə də tükləri tökülüb. Ona görə də insanlar meymunlar kimi tüklü olmayıb. Bu linkdə http://en.wikipedia.org/wiki/Hair daha çox məlumat var.
Əlavə olaraq onu deyə bilərəm ki indiki insanın bədənindəki tüklər elə Təkamülün dəlilidir. Bədəndəki tüklərin insana heç bir xeyri yoxdur. Əgər tanrı yaradıbsa belə mükəmməl bir varlıq şəklində, nə ehtiyac var idi bədəni tüklə doldurmağa. (Qaşlar-kirpikləri çıxmaqla)

Salam qardash. Yaxshi 1 suala da cavab versen yaxshi olar. Nece olur ki, fironun curumemish bedeni haqda Quranda qeyd olunub???

Oxuyucunun da qeyd etdiyi kimi Yunus 92-yə baxaq:

Səndən sonrakılara bir ibrət olsun deyə, bu gün səni xilas edəcəyik (sənin cansız bədənini sahilə atacağıq). Həqiqətən, insanların çoxusu ayələrimizdən qafildir!

İslam saytlarında tapılan mumyanın Britaniya muzeyindən olan fotolarını görə bilərsiniz:

İslam möcüzəsevərlərinə əsasən bu 2-ci Ramzesin Allah tərəfindən cəzalandırılmış cəsədidir. Süveyş kanalı açılırkən dənizin qırağında bir təpənin üstündə tapılıb. Bura qədər hər şey zordu . İndi keçək faktlara:

1. II Ramzes digər faraonlar kimi Krallar Vadisində bastırılıb, hansı ki indiki Luxor şəhəri yaxınlığında, dənizdən 700 km uzaqda yerləşir. Mumiyası da elə həmin yerdə tapılıb. Halhazırda 2-ci Ramzesin mumyası Qahirədə muzeydədir. Səcdə zad formasında da deyil, normal uzanmış haldadır. Bununla görürük ki möcüzəpərəstlərin iddia etdiyi mumya 2-ci Ramzes deyil.
2. Yaxşı bəs bu mumiya kimdir? Bu da linklər:
   http://en.wikipedia.org/wiki/Gebelein_predynastic_mummies

   http://www.britishmuseum.org/explore/highlights/highlight_objects/aes/p/predynastic_egyptian_man.aspx

   Şəkildəki mumiya haqqında:

a) Bu mumiya Dinastiyadan əvvəlki perioda aiddir – miladdan öncə 3100 ilinə qədər olan dövrə. 2-ci Ramzes isə miladdan əvvəl 1279-1213 illərdə hökmdarlıq edib. Arada ən az 2 min il fərq var.

In such a burial, when the body is covered in warm sand, the environmental conditions mean that most of the water in the body is quickly evaporated or drained away, meaning that the corpse is naturally dried and preserved. This method was widely used in the pre-dynastic Egyptian period, before artificial mummification was developed.

Yəni bu (mumyalama) metodunda isti qum bədənin üstünə tökülür və bədən təbii olaraq tez quruyur və yaxşı qalır. Belə metodla mumyalanmış bir çox bədənlər aşkar edilib, eynilə belə formada (fetal pozisiyasında). Ramzes vaxtı artıq daha effektiv suni mumyalama mövcud idi. Daha dərinə gedib Faraonların qəbrlərinin xüsusiyyətlərindən danışmaq olar, hansı ki bu şəkildəki adi adamın qəbrindən tamam fərqlidir. Amma məncə ehtiyac yoxdur, istəyən araşdırar, onsuz da National Geographics, Discovery bütün günü Faraonlardan sənədli filmlər verir. Xülasə…

Britaniya muzeyində saxlanılan EA 32751 kodlu mumiya sadəcə sıradan bir Misir adamıdır (Predynastic Egyptian Man), nə faraondur, nə də ki Ramzesdir…Qurandakı hekayə ilə heç bir əlaqəsi yoxdur.

Elmdə atmosferin qatları haqqında yazılanlara baxaq. Əvvəla atmosferin bir neçə xüsusiyyətə görə qatlara ayırmaq olar. Əsasən temperatura görə təyin edilən bu qatlar çox yerdə 5 qat kimi görsənir. Bu linklərə baxa bilərsiz; Wikipedia, national oceanic and atmospheric administration, nasa. NASA’nın saytında isə 4 dənə qat göstərilir (Exosphere göstərilməyib). Bu qatlar:

Troposhpere

Stratosphere

Mesosphere

Thermosphere

Exosphere

Bu qatlar birbirləri arasında xətt şəklində sərhədlərlə ayrılmayıb təbii ki. Bunları sadəcə alimlər bəzi xüsusiyyətlərə görə ayırıb. Bir təbəqədən digərinə keçiddə ortaq bir bölgə yarandığı üçün bunlara da tropopause, stratopause, mesopause adları verilib.

Başqa xarakteristikaları nəzərə alanda digər qatları da ayırmaq olar:

Ozon qatı

İonosfer

Homosfer/Heterosfer

Keçək İslam dininin mövqeyinə. Əlbəttə ki ordan burdan eşitdikləri geydirmə informasiya ilə qidalanan bir çoxları göyün 7 qatının olmasını və bunun Quranda möcüzəli bir şəkildə verilməsinə inanır. Yuxarıda artıq göyün 7 qatının olmamasını açıqladıq. İndi baxaq görək Quran nə deyir bu haqda. İlk başda Quranda 7 qat haqqındakı ayələr:

65:12. Yeddi göyü və yerdən də bir o qədərini yaradan Allahdır. Vəhy onların arasında ona görə nazil olur ki, Allahın hər şeyə qadir olduğunu və Allahın hər şeyi elmi ilə əhatə etdiyini biləsiniz.

67:3. Yeddi göyü təbəqələr şəklində quran Odur. Sən Mərhəmətli (Allahın) yaratdığında qətiyyən bir uyuşmazlıq tapmazsan. Bir başını qaldırıb (göyə )diqqət yetir, heç onda bir çat görürsənmi?

Ozon təbəqəsindəki bəs nədir, çat deyil?

78:12. Üstünüzdə yeddi möhkəm (göy) qurduq

Baxaq bu yeddi göy əslində nə imiş.

41:12. Allah onları (səmaları) yeddi (qat) göy olaraq iki gündə əmələ gətirdi. (Beləliklə, iki gün ərzində yer, sonra iki gün ərzində yer üzündə olanlar, daha sonra iki gün ərzində göylər xəlq edildi. Kainatın yaradılması altı gün ərzində başa çatdı). O, hər bir göyün işini özünə vəhy edib bildirdi. Biz aşağı göyü (dünya səmasını) qəndillərlə (ulduzlarla) bəzədik və (onu şeytanlardan, hər cür bəladan) hifz etdik.

Əgər Qurandakı 7 göy indi elmə məlum olan 5 təbəqə ilə əlaqəlidirsə, nəyə görə aşağı qatda (termosfer) ulduzlar olduğu yazılıb? Ulduzlar bizim atmosferdən də kənardadır.

67:5. Biz (sizə) yaxın olan göyü ulduzlarla bəzədik və onları şeytanlara atılan (alovlar) etdik. Biz onlar üçün yandırıb-yaxan od əzabı hazırlamışıq.

Yenə eyni fikir. Bizə yaxın olan göydə ulduzlar nə gəzir???

Quranda ümumiyyətlə çox şey 7 qat şəklində göstərilib. Hətta yuxarıdaki ayədə ` Yeddi göyü və yerdən də bir o qədərini` yerin də 7 qatının olması yazılıb. Halbuki yer kürəsinin 4 qatı var, bu qatları da öz aralarında təbəqələrə ayırmaq olar. Baxaq görək başqa nələrdə 7 rəqəmi tətbiq olunub:

2:261. Mallarını Allah yolunda sərf edənlərin halı yeddi sünbül verən bir toxuma bənzər ki…

12:43. “Mən (yuxuda) yeddi arıq inəyin yeddi kök inəyi yediyini, həmçinin yeddi yaşıl və yeddi quru sünbül (quru sünbüllərin yaşıl sünbüllərin üstünə qalxıb bellərinə sarıldığını) gördüm.

12:46. (Cavan oğlan padşahın izniylə zindana gəlib dedi: ) “Yusif! Ey doğru danışan adam, bizim üçün bir yoz görək! yeddi arıq inək yeddi kök inəyi yeyir. yeddi yaşıl sünbül, yeddi də quru sünbül.

12:47. (Yusif) belə cavab verdi: “yeddi il adətiniz üzrə (həmişəki kimi) əkin.

12:48. Sonra bunun ardınca yeddi il quraqlıq (qıtlıq) olacaq.

15:44. (Cəhənnəmin) yeddi qapısı (təbəqəsi) var.

16:112. Allah da həmin şəhərə (sakinlərinin) etdikləri əməllərə görə (yeddi il) aclıq və qorxu bəlası daddırdı.

20:6. Göylərdə və yerdə, onların arasında və torpağın altında (yeddi qat yerdə) nə varsa (hamısı) Onundur.

23:75. (Məkkəyə yeddi il ərzində aclıq, qıtlıq üz vermişdi.

28:24. (Musa yeddi gün idi ki, çöldəki otlardan başqa yeməyə bir şey tapmırdı. Buna görə də Allahdan yemək üçün bir ruzi dilədi).

31:27. Əgər yer üzündəki bütün ağaclar qələm, dərya da arxasından yeddi dərya qatılaraq (mürəkkəb) olsaydı,

69:7. Allah o küləyi yeddi gecə, səkkiz gün ardı-arası kəsilmədən onların üstünə əsdirdi.

72:16. (Sonra mənə belə vəhy olundu: ) Əgər onlar (Məkkə müşrikləri) o yolda (islam dinində) doğru olsaydılar, Biz onlara (yeddi il davam edən quraqlıq və qıtlıq əsnasında) bol yağış verərdik ki

Nəticə:

• Qurandaki göy-atmosfer haqqındaki 7 qat elmə məlum olan qatlarla uyğun gəlmir. Həm bölgü olaraq, həm də o qatların tərkibi olaraq (Quranda yerə ən yaxın qatda ulduzlar var)
• 7 qat Quranda bir çox şey üçün də istifadə olunub. Yer 7 qat, cəhənnəm 7 qat və s.
• Digər dinlərdə də 7 rəqəmi qabağa çıxır, bu rəqəmə xüsusi mənalar yüklənilir.

Əlavə məlumat: başqa türk blogu

Kəhf

85. O, (yer üzündə gəzib dolaşmaq üçün) səfərə çıxdı.

86. Nəhayət, günəşin batdığı yerə gəlib çatdıqda onu qara palçıqlı bir çeşmədə batan gördü. (Zülqərneyn) onun yanında bir tayfaya rast gəldi. Biz buyurduq: “Ey Zülqərneyn! Sən ya onları cəzalandırmalı, ya da onlarla yaxşı rəftar etməlisən!”

89. Sonra o, yoluna davam etdi.

90. Nəhayət, günəşin doğduğu yerə çatdıqda onu elə bir qövm üzərində doğan gördü ki, onlar üçün (günəşə) qarşı heç bir örtük yaratmamışdıq.

91. Bax belə! Biz onun başına gələnlərin hamısından xəbərdarıq.

Bu surədə Zülqərneyn (Makedoniyalı İsgəndər olduğu da deyilir) haqqında danışılır. Görünür ki Quran o vaxtın əfsanə və miflərindən yararlanıb. Zülərneyn günəşin batdığı yerə gedir və orda günəşi qara palçıqlı bir çeşmədə batan görür. Yəqin fikirləşiblər ki Günəş qara palçıqlı suya girir deyə qaranlıq düşür. Sonrakı ayələr də maraqlıdır, günəşin doğduğu yerə gedir çatır. Ordakı qövmün heç bir qorunmağa örtüyü olmadığı qeyd edilir. Ümumiyyətlə qədim xalqların əfsanə və miflərini oxuyanlar belə hekayələrə çox rast gələ bilərlər. Təbii ki müsəlmanların müdafiəsi odur ki burda günəşin batdığı yer deyildikdə Qərb, doğduğu yer deyildikdə isə Şərq nəzərdə tutulur. Həmən yerə çatanda palçıqlı çeşmə, vəya günəşdən örtük söhbəti bəs nədir onda? Nə isə, mənə məntiqli gələn açıqlama odur ki o vaxtlar belə əfsanələrə inanırdılar.

Həcc

65. Məgər Allahın quruda olanları və Öz əmri ilə dənizdə üzən gəmiləri sizə ram etdiyini görmürsənmi? Göyü də Öz izni olmadan yerə düşməsin deyə O tutub saxlayar. Həqiqətən, Allah insanlara Şəfqətlidir, Mərhəmətlidir.

Şərhə ehtiyac yoxdur, Göy-Səma bir tavan kimi düşünülür, ona görə də göyün təpəmizə düşməməsi bir möcüzədir. Buna imkan verməyən də Tanrıdır. O qoymur ki göy üstümüzə düşsün.

Loğman

10. O, göyləri görə biləcəyiniz bir dirək olmadan yaradıb saxlamış, yer sizi silkələməsin deyə, orada möhkəm dağlar qurmuş və ora cürbəcür heyvanlar yaymışdır. Biz göydən yağmur yağdırıb orada cürbəcür gözəl bitkilər bitirdik.

Əvvəlki sürədəki fikir burda da var. Göylər dirək olmadan dayanıb. Yer silkələnməsi, yəni zəlzələnin qarşısını almaq üçün dağ yaratmaq başqa mövzudur. Dağlar zəlzələdən, tektonik layların birbirinə təsirindən yaranır. Dağlı yerlərdə əksinə zəlzələ daha çox olur. Bir başqa elmi səhv daha.

Fatir

41. Həqiqətən, Allah göyləri və yeri tərpənməsinlər deyə, tutub saxlayır. Əgər tərpənsələr, Ondan başqa onları heç kəs tutub saxlaya bilməz. Həqiqətən də, O, Həlimdir, Bağışlayandır.

Eyni anlayış. Göy tərpənib düşməsin deyə tutub saxlayır. Halbuki yer də göy də onunla bir yerdə tərpənir, fırlanır. Burda kainat vəya qalaktikalara göy deyərək xitab eləyə bilər, amma o da tərpənir axı.

əl-Cinn

8. Biz (cinlər yuxarı aləm əhlinin söhbətinə oğrun-oğrun qulaq asmaq üçün) göyə qalxmaq istədik (səmanı yoxladıq), amma onun (mələklərdən ibarət) güclü gözətçilər və yandırıb-yaxan (axan) ulduzlarla dolu olduğunu gördük.

9. Biz (Muhəmməd əleyhissəlamın peyğəmbər göndərilməsindən əvvəl mələklərin söhbətinə) qulaq asmaq üçün (göyün) bəzi yerlərində otururduq. Lakin indi kim (onların söhbətinə) qulaq asmış olsa, yandırıb-yaxan bir ulduzun onu gözlədiyini görər.

Göydə gözətçilər və yandırıb-yaxan ulduzlar var. Ora çıxmaq olmaz, onun qatlarında mələklər söhbət edir, ən yuxarı qatlarında da başçıları – Tanrı oturur.

Mən tanrı olsaydım yüz dəfə “göydən yağış endirən, göyün və yerin sahibi” deməkdənsə, bir dəfə onları deyərdim, sonra da məsləhət verərdim ki göy sizin yaşamanız üçün vacibdir, yararlı maddələrdən ibarətdir, onu qoruyun, çirkləndirməyin, ağacları kəsməyin və s. Təbii ki o vaxtın Ərəb tanrısının Braziliyadakı Yağış meşələrindən xəbəri yox idi. Ümumiyyətlə bu qədər təkrara nə ehtiyac var, bildik də göydən yağış tökülür. Bir lazımlı məlumat ver onun yerinə.

O vaxtın məntiqinə görə Tanrı yuxarıdadır, mələklər yuxarıdadı, göydədilər, oranı qoruyan xüsusi alovlu ulduzlar var, Aya Tanrı nur verib (Ayın işığı yoxdur, hamınız bilirsiniz yəqin ). Nə isə, özünüz oxuyun görəcəksiniz ibtidai fikirləri.

Qurandakı ibtidai fikirləri Quranı oxuyaraq öyrənmək lazımdır. Əksər müsəlmanın elədiyi kimi Quranı bir sarafana büküb şkafın başına qoymaq, boyundan ya da divardan asmaq lazım deyil. Mənasını başa düşmədən ərəbcə əzbərə nə gəldi oxumaq da lazım deyil. Açın Azərbaycanca məalini, təfsirini oxuyun, axırı bu bir kitabdır, yəni oxunmalı şeydir

179. Biz Cəhənnəm üçün bir çox cinlər və insanlar yaratdıq. Onların qəlbləri var, onunla anlamazlar; gözləri var, onunla görməzlər; qulaqları var, onunla eşitməzlər. Onlar heyvan kimidirlər, hətta daha çox azğınlıqdadırlar. Qafil olanlar da məhz onlardır.

Bir çox insanlar və cinləri cəhənnəm üçün yaradır deməli. Bunun harası imtahan oldu? Onlar heyvandır, çirkabdır kimi ucuz təhqir sözləri işlətmək də heç Allaha yaraşmır.

Zəriyət

49. Biz hər şeydən (erkək və dişi olmaqla) cütlər yaratdıq ki, bəlkə, düşünüb ibrət alasınız.

Artıq elm aləminə məlumdur ki dünyada hər şeydən cüt deyil, erkək və ya dişi olmayanlar var. Hermofroditlər, aseksual törəmə kimi mövzuları araşdıra bilərsiz.

Əhzəb

53. Ey iman gətirənlər! Sizə yeməyə izin verilməyib (süfrəyə dəvət olunmadıqca) Peyğəmbərin evlərinə girməyin və (əvvəlcədən gəlib) yeməyin hazırlanmasını da gözləməyin. Lakin dəvət olunduqda girin və yemək yedikdən sonra bir-birinizlə söhbətə dalmadan dağılışın. Çünki bu (hərəkətiniz) Peyğəmbəri narahat edir və o sizdən utanır. Allah isə sözün açığını (sizə bəyan etməkdən) utanmır. (Peyğəmbərin) zövcələrindən bir şey istədikdə, pərdə arxasından istəyin. Bu həm sizin qəlbinizə, həm də onların qəlbinə daha çox saflıq gətirər. Sizə Allahın Elçisini narazı salmaq, vəfatından sonra onun həyat yoldaşları ilə izdivac etmək qətiyyən yolverilməzdir. Həqiqətən, bu, Allah yanında böyük günahdır.

Bu kitab bütün insanlığa və bütün dövrlər üçün nəzərdə tutulub. Ortaya çıxdığından bəri 1400 il keçib, hələ yenə də minilliklər keçəcək və Allah heç bir kitab və peyğəmbər göndərməyəcək. Belə bir son “insanlıq” kitabında peyğəmbərin evinə gedilməyəcəyini, arvadlarını almayacağını yazmaq gülməli görsənir. Bu nəsihətlər və “qanunlar” heç kimin işinə yaramır, sırf o vaxt kimsə evinə girib deyə, kimsə arvadını almasın deyə belə bir ayət gətirib. İndiki zamanə ilə nə əlaqəsi? Belə spesifik-şəxsi problemlərə niyə yer verilib?

Nisa

25. Sizlərdən hər kəs maddi imkanı olmadığına görə azad mömin qadınlarla evlənə bilmirsə, onda sahib olduğu mömin kənizlərdən alsın. Allah sizin imanınıza daha yaxşı bələddir. Siz bir-birinizdənsiniz. (Bu kənizlər) namusunu qoruyan, zinakarlıq etməyən və aşna saxlamayan qadınlardırsa, onlarla sahiblərinin icazəsi ilə evlənin və mehrlərini (şəriətə) müvafiq qaydada verin. Əgər ərə getdikdən sonra zina etsələr, onlara, azad qadınlara verilən cəzanın yarısı tətbiq edilər. (Kənizlərlə evlənmək) sıxıntıya düşməkdən (və ya zina etməkdən) qorxanlarınız üçündür. Amma səbrli olsanız, bu sizin üçün daha yaxşı olar. Allah Bağışlayandır, Rəhmlidir.

Bu onsuz da Quranda məşhur mövzudu – kölələr və cariyələr. Allahın ağlına gəlməyib ki köləliyi yasaqlasın. Donuz əti, şərabı yasaqlayıb, amma köləliyi yox. Bir digər məsələ də kənizlərdən istədiyiniz kimi istifadə etməyinizdir. Mömin qadın ala bilmirsənsə sahib olduğun kənizi al. Əgər sahibi başqa adamdırsa, ona mehrini, yəni pul vəya mal ödə və kənizi al. Yəni kəniz bir əşyadır, sahibi sənsən, sən deyilsənsə başqasından qiyməti nədirsə ver al. Sonrakı cümlə də maraqlıdır, kəniznən evlənmək zina eləməkdən yaxşıdır. Canın seks istəyir? Zina eləmə, get mehrini-pulunu ver kənizi al, kefini çək.

Yəqin ki bir çox oğlanlar ən azından məktəb vaxtı “belim boşaldı”, “sinəm (döşüm) ağrıyır” kimi ifadə ilə tanışdırlar. Bir çox oğlanlar elə bilirlər ki sperma beldən və ya döşdən gəlir. Ona görə də bəzən spermaya `bel` deyə müraciət eləyirlər. Maraqlıdır ki Quranda bununla bağlı bir surə var. Tarıq surəsi 5-8:

1. Qoy insan nədən yaradıldığına bir baxsın!

2. O, süzülüb tökülən bir mayedən yaradılmışdır.

3. Bu maye bel və köks sümükləri arasından çıxır.

4. Şübhəsiz ki, Allah onu dirildib qaytarmağa qadirdir.

Bizim cəmiyyətdə hökm sürən sperma haqqındakı cəhalət deyəsən Qurandan gəlib. Bunu təbii ki dəqiq bilə bilmərik, amma onu dəqiq görürük ki Quranda spermanın mənbəyi kimi bel və köks sümüklərinin arası göstərilir. Spermanın əmələ gəldiyi yer kişinin yumurtalıqları yəni testisləridir. Orda əmələ gəlir və yuxarıdan süzülüb tökülür, fışqırır desək daha doğru olar. Testislər hara, bel, sinə hara…Qurandakı elmi səhvlərdən bir başqa birisi.

Uzun bir fasilədən sonra blogu davam eləməyə qərar verdim. İşlərə görə başım qarışıq idi və bloga diqqət yetirə bilmirdim. Hələkilik yazmağa ağlımda çox mövzu yoxdur, ona görə də sual və təkliflərinizi şərh olaraq qoysanız mən o mövzularda yazmağa çalışacağam.

Əsasən belə bir struktura sahibdir; “X`ə bax, necə də kompleks, necə də mükəmməldir, deməli bunu yaradan var, o da Allahdır”.

İndi bunların dillərdən düşməyən versiyalarına baxaq:

“Sən bir dünyaya bax, 1 metr günəşə yaxın və ya uzaq olsaydı biz yaşaya bilməzdik, belə mükəmməl dəqiqlik özözünə ola bilməz! Deməli Allah yaradıb dünyanı.”

“Sən bir gözünə bax, necə də mükəmməldir, kameradan 1455 qat efirdi, kameranı düzəldən var, deməli gözü də yaradan var!”

“Sən bir rəsm əsəri görəndə fikirləşirsən ki bunun rəssamı var. Bəs bu dünyaya, öz orqanizminə baxanda da bunu niyə fikirləşmirsən? Deməli bu gördüyün hər şeyin də rəssamı, dizayneri var.”

Yadımdadır STV də altdan altdan bu arqumenti yeridirdi, heyvanlara aid xarici sənədli filmləri dublyaj eləyib göstərirdilər. Hansısa heyvanın, bitkinin maraqlı xüsusiyyəti deyilirdi, axirda və ya əvvəldə də “belə mükəmməl şəkildə yaradılmışdı”, “ yüce Allah bu heyvanları bu xüsusiyyətlə təchiz eləmişdi” və s. kimi sözlər əlavə eləyirdilər. Originalda təbii ki belə sözlər yox idi.

Bunların fəlsəfədəki nümunəsi William Paley`in saat analogiyasıdır. Səhrada gəzərkən yerdə bir saat görürük. Baxırıq ki saat çox gözəl şəkildə dizayn edilib və mexanizmi işləyir. Qərara gəlirik ki bunun arxasında bir ağıl-dərrakə sahibi dizayner var. Ömrümüzdə saat görməmiş olsaq da qərara gələ bilərik ki belə kompleks və qeyri-adi bir cihaz öz başına yarana bilməz, bunu kimsə düzəldib.

Dizayner kimdir?

Bu arqument(lər)i çürütməyin ən qısa yolu “Dizayner kimdir?” sualıdır. Bu arqument sadəcə bir yaradıcının olduğunu deyir, demir ki Allahdır, UFOdur, Zevsdir yoxsa Göydə Uçan Çaynikdir. Demir ki bu yaradıcı hər şeyi bilir ya yox, sonsuz olaraq yaxşılıq sahibidir ya yox, qüvvətlidir, zəifdir yoxsa nədir…Arqumentin digər problemlərini də qeyd eləyəcəyəm, amma sadə olaraq bu metod praktikdir. Praktik demişkən, həyatdan bir nümunə ilə göstərək:

D: Dindar             A: Ateist

D: Sən bir dünyaya bax, 1 metr günəşə yaxın və ya uzaq olsaydı biz yaşaya bilməzdik, belə mükəmməl dəqiqlik özözünə ola bilməz! Deməli Allah yaradıb dünyanı.

A: Dünya onsuz da günəşə yaxınlaşır-uzaqlaşır, kilometrlərlə. J Amma yenə də fərz eləyək ki hə, dünya superdir. Amma niyə ki sırf Allah?

D: Allah yaradıb da başqa kim yarada bilər ki.

A: Bəlkə Göydə Uçan Spagetti Monstru yaradıb dünyanı?

D: Hanı dəlilin?

A: Spagetti Monstru üçün dəlil istəyirsənsə, mən də Allah üçün dəlil istəyirəm. Deməli bu dediyin “dünya arqumenti” heç nəyi isbat eləmədi. Yenə də başqa arqument-dəlil lazım oldu.

Təbii ki bu dialoq sadəcə bir praktik nümunədir, normalda dizayn arqumenti fəlsəfi cəhətdən heç “yaradıcı agentin” necə nə cür kim olduğunu açıqlamır. Bunu da bütün fəlsəfəçilər bilir. Mən sadəcə Paley`in analogiyasının standart bir dindar arqumentinə mutasiya edilmiş formasına aid dialoq yazdım.

Yuxarıdaki “Dizayner kimdir bəs” sualını həmən arqumentin istənilən formasında istifadə eləmək olar, insan bədəni, saat, rəsm, kainat, göz, hüceyrə və s.

Keçək arqumentin digər problemlərinə:

Elm vs Mif

İnsan və canlı aləmlə bağlı olan dizayn məsələsinin elmi açıqlaması var. Bu açıqlama hər şeyi çox gözəl açıqlayır, və elm dünyası tərəfindən tam qəbul edilib. Bu da təbii ki təbiətdəki təkamül mexanizmidir. Normalda bu iki açıqlamanın “mutually exclusive” olması – yəni ikisindən birinin doğru olması, bu arqument üçün vacib deyil. Yəni bir nəfər deyə bilər ki, məsələn göz təkamül nəticəsində olub, amma yenə də bunun yaradıcısı var. Düzdür bu çox cətindir, çünkü bir obyekti açıqlayan iki teoriya var, bunlardan mümkün, məntiqli olanı, vəya elmi tərəfdən dəstəklənəni qəbul etmək daha məntiqlidir. Canlı aləmi üçün bu arqumenti istifadə eləmək o qədər də uğurlu alınmır nəticə etibarı ilə, çünkü təkamül açıqlaması yetərlidir, hansısa üstün super tanrıya ehtiyac duyulmur (açıqlama gətirmək üçün).

İldırım və qaranlıqlar Tanrısı

Tarixdən bir neçə nümunə də vermək olar. Mayalılar və digər qədim xalqlar/qəbilələr təbii proseslərə mifik xüsusiyyətlər qoşurdular. Məsələn, ildırım və ya günəşin tutulması – Tanrının qəzəbi, Tanrının zülmlə mübarizəsi, qurban istəməsi və s. O vaxtki düşüncə tərzi demək olar ki indi də var. Bilinməyən şeyi Tanrı ilə doldurmaq – God of the Gaps. İldırımın nə olduğu bilinmirdi, ona görə də bunu Tanrı ilə əlaqələndirirdilər. İndi bu fikir gülüncdür, çünkü ildırımın təbii proses olduğunu, Tanrının qəzəbinin olmadığını bilirik. Həmçinin insanın, canlı aləmin də yaranmasının təbii proses (təkamül) olduğunu bilirik, sadəcə bu (relatively) təzə elmi kəşf olduğu üçün, və dindarların bir çox mifini (Adəm-Həvva-ilan-alma-Nuhun gəmisi) alt üst elədiyi üçün onlar buna qarşı müqavimət göstərir, qəbul eləmək istəmirlər.

Keçək dünya, kainat olan arqument nümunələrinə. Elmi olaraq bunlar üçün də yavaş-yavaş aydınlıq gətirilir (Big Bang, CERN araşdırmaları, Abiogenesis, String Theory və s.). Bunlar da demək olar ki Maya dövrünün İldırımı kimidir, amma inkişaf daha sürətlidir, və qaranlıq nöqtələrə aydınlıq gəlir. Dindarların da xasiyyəti Tanrını bu qaranlıq nöqtələrdə gizlətməkdir. Amma bu nöqtələr azalır, əvvəllər İldırımın qaranlığında gizlənən tanrı, indi də başqa yerlərdə gizlənir.

Şəxsi Dünya – İnsan egosu

Əsas mövzudan yayındım bir az. “Dünya bele superdi duperdi ki biz burda yaşayırıq. Bu dünya bizim üçün yaranıb.” XEYR. Biz bu dünyanın şəraitlərində əmələ gəlmişik. Yəni dünya bizə yox, biz dünyaya uyğunlaşmışıq. Suyu hər hansı bir qaba tökürsən, su həmən formanı alır. Su da deyir ki gör bu qab necə də mükəmməldir, tam mənə görə dizayn edilib, sırf mən bu qaba rahat şəkildə sığışım deyə. Yuxarıdakı arqument də bu suyun sözlərinə oxşayır. İnsan özündən o qədər razıdır ki, hər şeyin özü üçün yaradıldığını düşünür. Kainatda qum dənəsi olan insan, özünü kainatın mərkəzi kimi görür. Ona görə də Tanrını, nə məqsədlə olur olsun (imtahandı hər nədi), öz arzularının, egolarının agenti kimi istifadə eləyir.

Dizaynerin Dizayneri – Infinite Regress

Yaxşı, baxdıq kainata, dünyaya, insana dedik superdir, bele zor, super şeyi düzəldən mütləq daha kompleks və mükəmməldir. Sən mənə kompleks bir şey – kainatı göstərirsən və deyirsən ki bunun dizayneri var. Təbii ki bu dizayner daha kompleks və mükəmməldir. Onda mən də sənə həmən dizayneri göstərib soruşaram ki bəs bunun dizayneri kimdir? Cavab olaraq desələr ki bu dizaynerin dizayneri yoxdur, özözünə olub. Onda mən də deyirəm ki belə kompleks və mükəmməl varlıq özözünə olabilirsə, daha primitiv bir şey (kainat, dünya, insan) niyə özözünə ola bilmir?